Om Solveig

Solveig Johanne Håvik Grønstøl (1978) er utdanna faglærar i norsk og religion, med vidareutdanning i lese- og skriveopplæring. Ho har skrive fire bøker, gitt ut ein CD med eigen musikk og vore tekstforfattar for scenekunst. Ho er oppvaksen i Ytre Nordfjord og på Stord, og har hjarta sitt djupt forankra i det vestnorske landskapet. No bur ho på Bømlo, er gift og har tre vaksne barn. 

Dikta hennar har dei seinare åra funne veg til fleire utgjevingar, både antologiar, tidsskrift og fagbøker, og vert brukt i gravferder, vigslar, i behandling og rehabilitering, for å nemna noko. 

Ho har ei særeigen evne til å fanga det sanselege og jordnære i dikta sine og brukar ofte naturen som bakteppe og metafor for å utforska menneskelege kjensler og relasjonar. Poesien hennar vert skildra som enkel og lett tilgjengeleg, men samtidig med djupare meining og rom for tolking. Ho illustrerer bøkene sine med eigne fotografiar, noko som skapar ei heilskapleg estetisk oppleving.

Solveig delar tekst og foto på Facebook under namnet Kvild – Solveig Johanne Grønstøl og på Instagram @solveiggr. 

Prosjekt

Tilfluktsstad. CD. Tekstforfattar og komponist. Prokla Media forlag. 2008.
Kvild. Korte tekstar om livet, og om tru og tvil. Eige forlag. 2015.
Når dagane ikkje finst. Dikt. Tekst forlag. 2021.
LAND. Tekstforfattar for scenekunst. Anna-Lise Marie Dance/Moster 2024. Moster Amfi 2022/2024.
Det lettar snart. Dikt. Kvild forlag. 2023.
Det som er no. Dikt. Kvild forlag. 2024